HEZKUNTZA AGROEKOLOGIKOA

Gaur egungo mendebaldeko gizartean, eta batez ere hiri inguruneetan, haustura nabarmena daukagu natura eta gizakiaren artean. Gizakia naturaren gainetik dagoenaren eta naturaren kontrakoa denaren sinesmena gailendu zaigu.
Naturarekiko harremana sendotzeko lanean, baratza eta honen inguruan garatu daitezkeen dinamikak ezin eraginkorragoak dira. Lurraren, landareen, zuhaitzen eta klima beraren erritmoak ezagutu eta ulertzeko aukera eskaintzen baitigu baratzak Honekin batera, gure kontsumo ohituren hausnarketa egiteko helburua daukagu. Bertakoa, garaikoa eta ekologikoa den elikadura ereduak dakartzan onuren inguruko hausnarketa egiteko aprobetxatuko dugu.
Hirugarrenik, nekazal kulturaren ezagutza, balioa eta honekiko lotura sustatu nahi dugu. Hau, jaten ditugun elikagaiak, hauen jatorria eta ekoizpen eredua ezagutuz lortuko dugu.
Amaitzeko, baratzaren diseinu eta sortze parte hartzailea proposatzen da, gazteen ideia eta motibazioetan oinarrituta, espazioa beraiena senti dezaten. Prozesu honen bitartez asanbladen funtzionamenduan trebatuko gara, elkar entzute eta errespetutik abiatuta. Guzti hau genero ikuspegia erabat kontziente eginez egingo dugu, bai parte hartze prozesuan zehar erabakietan edukiko ditugun jarrerei adi egonez, baita baratzeko lan eta rol ezberdinak kontuan hartuta.

ZERGATIK EGITEN DUGU?

  • Inguruarekiko eta naturarekiko harremana sendotzeko
  • Gaur egungo kontsumo eta bizimoduaren hausnarketa egiteko
  • Nekazal kultura gazteengana hurbiltzeko
  • Kolektiboan espazioak diseinatu eta zaintzeko

 

ZEIN IKUSPEGITATIK?

  • Hezkuntza Agroekologikoa
  • Ikasketak: Ingurugiro hezkuntza, Agroekologia, Eskola Agroekologia,  Eskola baratzak, permakultura…

ZERTAN DIHARDUGU?

2020/2021

NATURA FAMILIAN
Familientzako pista jolasa eta jolas ekologikoak.
Gipuzkoako Urtxintxa eskolarekin elkarlanean.

DONOSTIAKO ESKOLA BARATZA SAREA
Donostiako eskola baratzeak bultzatzeko proiektua, eskola ezberdinen arteko harremana, tailer eta formakuntzen koordinazioa. Irakasleei baratze pedagogikoen inguruko formakuntza eta aholkularitza.
Cristina Enea fundazioarekin elkarlanean.

BIDEBERRI BHI INSTITUTUA
Institutuko eskola baratzaren diseinua: sorrera, irakasle formakuntza eta ikasleekin saioak.

UDAZKENA BARATZEAN
Uliako mintegien parkean eskola ezberdinentzako konpost, sendabelar eta baratzegintza tailerrak.
Uliako Lore Baratzak elkartearekin elkarlanean.

ETXEKOLANDA PROIEKTUA
Intxaurrondo eta Lugaritzeko kultur etxeetako baratzen dinamizazioa eta haurrekin tailerrak.
Cristina Enea fundazioarekin elkarlanean.

2019/2020

UDAZKENA BARATZEAN
Uliako mintegien parkean eskola ezberdinentzako konpost, sendabelar eta baratzegintza tailerrak.
Uliako Lore Baratzak elkartearekin elkarlanean.

ETXEKOLANDA PROIEKTUA
Intxaurrondo eta Lugaritzeko kultur etxeetakoko baratzen dinamizazioa eta haurrekin tailerrak.
Cristina Enea fundazioarekin elkarlanean.